هيئة كبار علماء الازهر او هيئة كبار العلماء هى اعلى مرجعية دينية رسمية للمسلمين السنه فى مصر و تابعة للازهر الشريف ، الهيئه متكونه من شيوخ و علماء دين من الازهر و رئيسها بيكون شيخ الازهر و بتكون مسئوله عن انتخاب شيخ الازهر و مفتى مصر و فى الامور الدينيه الهيئة اتذكرت فى المادة 4 من دستور 2012 ان الدولة تاخد رأي الهيئة فى الشئون المتعلقة بالشريعة الاسلامية و الدين. ، الهيئة كانت اتلغت بقرار من جمال عبد الناصر فى سنة 1961 و رجعت تانى فى عهد الامام الاكبر شيخ الازهر احمد الطيب فى يونيو 2012 و وافق عليه كمال الجنزورى ، رئيس الوزرا و المجلس العسكرى ، اللى كانوا بيحكموا مصر وقتها، و اتفعلت رسمى فى 17 يوليه 2012. هيئة كبار العلماء بتتكون من عدد مش بيزيد عن اربعين عضو من كبار علماء الازهر من المذاهب الفقهيه الاربعه و يكون رئيسها شيخ الازهر و يكون كل اعضئها شيوخ ازهريين.